Popular Bible Verses from 1 Timoteo 3

Share

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

I̧tti̧mö̧rö̧'i̧nä̧, ahuaruhuärö'inä adiu hue'ö. I̧tti̧mö̧mä̧ o'ca juiyönä hueö jȩpä̧tö̧. Ja̧'hua̧ta̧nö̧ i̧tti̧mö̧ ucuotönö repe'ätö ja̧u̧ru̧.

Ja̧'hua̧ta̧nö̧ diácono hua̧ irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧rö̧'i̧nä̧, ahuaruhuärö'inä adiu hue'ö. Iso päi'önä diáconos huotö adiu jȩtto̧mȩnä̧, o'ca toi'önä ucuotätö jahuätörö. Ja̧'hua̧ta̧nö̧ Cristo Jesúsru esetäcuähuä huȩnȩ yecuäcuähuä juiyönä ttucuocuomenä, o'ca toi'önä ä̧ju̧cuä̧tö̧ ttucuocumä.