Popular Bible Verses from 1 Juan 3

Share

Chi̧tti̧mö̧ “Repe'ätöjä” pätöttömä, ucuocutä tucuocu juiyö'a̧nö̧ ja̧'a̧. Tö̧jä̧hua̧tö̧rö̧ adiu jȩpö̧ ppä'ädö iso päi'önä repetö'a̧nö̧ ja̧'a̧.

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.

Adiu amöcuädätucui. Dios ujuturu rö̧ȩnä̧ repea'attö “chi̧tti̧mö̧” pä'ö. Iso päi'önä Dios i̧tti̧mö̧jä̧. Ttö̧ja̧ pi̧jä̧ jähuä amöcuädätömä Tä'o Diosrö ttu̧huo̧juo̧ca̧'a̧ttö̧, ujuturu'inä huo̧juo̧co̧tö̧.

Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.

Dios i̧tti̧mö̧mä̧ suronä jȩpö̧ ko̧co̧tö̧, Dios tta̧'cua̧rö̧ ttoädäcuähuä iya'attö. Yoröiso suronä jȩpö̧ ko̧co̧tö̧, Dios i̧tti̧mö̧ ja̧'a̧ttö̧.

Ya̧tȩ järe u̧ju̧nä̧ra̧'a̧nä̧ ö̧jä̧hua̧ jui̧'a̧rö̧ topö, re rö̧jö̧nä̧ toca'a jö̧ttö̧mä̧, Diosttö repeähuä ¿tta̧'a̧nö̧ u̧ju̧nä̧ra̧'a̧ttö̧ ami iso'quinä?

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

Äcuomenä cuesetinomettö kä̧mä̧dö̧, cuä̧ju̧cui̧nä̧tu̧cu̧ Dios i̧huȩnȩ päa'a: repetäu'a̧nö̧ ja̧'a̧.

Chö̧jä̧hua̧tö̧, pi̧jä̧ jähuä jȩpö̧ ka̧cuä̧tö̧mä̧ ucuturu ttöjö'cocomenä, “¿Tta̧'a̧nö̧ pä'ö kö'cocotöjo?” päcuhuätucuä'.