Popular Bible Verses from 1 Corintios 15

Share

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

Ja̧'hua̧nö̧ ja̧'a̧nä̧'i̧nä̧ Diosrö esehuätöjä. Ja̧u̧tä̧ ujuturu ppä'ädö Tu̧ru̧hua̧ Jesucristonä tujuruhua pä'ö suronä jȩä̧cuä̧huä̧ttö̧'i̧nä̧ abonänö.

Ja̧'hua̧nö̧mä̧ yapareu cuesetätucuä'. “Suronä jȩpö̧ kä̧nö̧, adiu jȩä̧cuä̧huä̧ surojuo'epätö.”

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

'Corupäi'äcuähuä jitämä ¿tta̧'a̧nö̧ jȩcu̧'ä̧cua̧'a̧jä̧ttö̧ ujuturu? Ja̧'hua̧ta̧nö̧ ¿tta̧'a̧nö̧ cujuruhuäcua'ajä̧ttö̧ kä̧cuä̧huä̧nä̧mä̧?” Suronä jȩä̧cuä̧huä̧mä̧ ppäda'a 'corupäi'äcuähuä ujuturu suronä 'cuäopa pä'ö. Ja̧'hua̧ta̧nö̧ täbocö hueähuä huȩnȩ ppäda'a suronä jȩä̧cuä̧huä̧.

Ä̧ju̧cuä̧tu̧cui̧ pi̧yȩ ttieru huȩnȩ jidähuomenä. O'ca toi'önämä 'corupä'i'ocotöjä. Ja̧'hua̧nö̧ ja̧'a̧nä̧ o'ca toi'önä tö'ärohuächäcuotöjä. Röji trompeta rä̧mi̧po̧mȩnä̧, yotäcu ttö'äre yȩbi̧ päi'omenä tö'ärohuächäcuotöjä. Trompeta rä̧mi̧po̧mȩnä̧, 'corupä'i'inätömä ttottächipäcuotö. Ja̧u̧nu̧ o'ca'a yoröiso 'corupä'i'ocotö ttäcuotö. Ujutu'inä tö'ärohuächäcuotöjä.

Ya̧tȩ suronä jȩpö̧ 'corupäi'ina'attö, o'ca toi'önä 'corupä'i'ätöjä. Ja̧'hua̧ta̧nö̧ ya̧tȩ ttoächina'attö, o'ca toi'önä ttotächäcuotöjä. Ujutumä Adán ahuaruhuä isotöjä. Ja̧'hua̧nö̧ ja̧'a̧ttö̧ Adán 'corupäi'inö ta'anö 'corupäti'äcuotöjä ujutumä. Ja̧'hua̧ta̧nö̧ o'ca toi'önä Cristo ahuaruhuä, Cristo ö̧jö̧ ta'anö tö̧ja̧cuä̧cuo̧tö̧jä̧.

Ujutu tidepä pi̧jä̧ jähuä ja̧'a̧ttö̧, yoröiso recuo ko̧cö̧do. Ja̧'hua̧nö̧ ja̧'a̧ttö̧ tö'ärohuächäcuotöjä koro yoröiso beipocö jähuä ȩmö̧. Ja̧'hua̧ta̧nö̧ ujutu töäre jättäpäyotö hua'ö icuipö, koro yoröiso hua'ö icuähuocö ȩmö̧ tö'ärohuächäcuotöjä.

Iso päi'önä o'ca juiyönä aboiyotörö, ö̧jä̧pö̧ dȩa̧'a̧nä̧ ötome jubö päi'önä, huȩä̧cua̧ Cristomä. Ja̧'hua̧ta̧nö̧ rö̧ji̧nä̧ a̧bo̧i̧ya̧rö̧, 'corupäi'äcuähuä be'epäjipö i̧cuä̧cua̧.