Popular Bible Verses from ROMANOS 15

Share

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

Ndiꞌi tuꞌun Ndioxi ya ta̱a na xinaꞌa xaꞌa ya sinaꞌa ya yoo kua ta̱a na ya. Chi tuꞌun Ndioxi ta chíndee ya yóo, xáꞌa ya ndee xiꞌin yo tá ndóꞌni yo nuu tindoꞌo, saa chíndee ya yóo táxi ya ndee ndaꞌa yo ya kuekuee kundatun yo ya sixinu Ndioxi ya ndi̱kaꞌan ra taxi ra ndaꞌa yo.

Yakan ndúku ni i ya mani nuu Ndioxi ná taxi ra ndee ndaꞌa ndo, ta ná xaꞌa ni ra ndee xiꞌin ndo, ná chindee ni ra ndóꞌo̱ ya kutaꞌan vaꞌa ni ndo xiꞌin taꞌan ndo tá kuꞌva kúni mií Jesucristo. Ta saa iin yuꞌu ná koo ndiꞌi ndo xiꞌin taꞌan ndo, ná ndikitaꞌan ndiꞌi ndo xaa kaꞌnu ndo Iva yo Ndioxi, ra kúu Iva Jesucristo.

Ndikuiso mani taꞌan ndo, tá kuꞌva ndi̱kuiso mani Jesucristo ndóꞌo̱. Tá íkan ndo saa xiꞌin taꞌan ndo, ta xáa kaꞌnu ni ndo Ndioxi.

Saa xíniñuꞌu iin iin yo ikan yo xiꞌin na taꞌan yo, ná ndikani ini yo unkua vaꞌa ikan yo xiꞌin na ya koo vaꞌa ini na. Tá íkan yo saa xiꞌin na, ta chíndee taꞌan yo xiꞌin na xáꞌnu ka na xiꞌin tuꞌun Ndioxi, ta ndúndee ka ya ini na, ndáa ni ini na xíni na Jesucristo.