Popular Bible Verses from Baroma 6

Share

Bushi emukosi we'bibi énde álipibwa elufu. Si emuhobore ola Ongo énde âna yeke, kali ekalamo ke'suku ne'mango kurengera ebuuma bwetu na Enawetu Yesu Kirisito.

Ebibi biténdaa byáchiata buashi era luulu senyu, bushi mùtachiri era bufuli se'Mwaso*, si mwera mùli era bufuli se'bonjo bwa Ongo.

Rero mwa kubatisibwa, twábaa nga'ba bafíre na kutabwa ala'uma nai, chasiya ngo'kwa Kirisito* ômwolibwaa mwa bafu kwa buashi bwe'ngulu ya Tata, netu kuno'ku tuáte kalamo kayayaya.

Muténdaa mwâna ebitera bye'mubiri wenyu kwa kuira ebibi, mwa kubikoresa nga bindu bya kuira mabi. Si mundaa mwáchana mubeine kwa kukorera Ongo nga bandu ba bômolibwe, mwa kunde mwákoresa ebitera bye'mubiri wenyu nga bindu bya kuira myasi era ìtungenene.

Twìshi kwe'mibere yetu yo'kwa mira yamányikibwaa kwa musalaba ala'uma na Kirisito*. Mwa bacha, ei mibere ye'bibi yàhandulibwe, chasiya tùtachibaa tuungu* twe'bibi.

Nenyu kuno'ku: mwa myasi era yèrekere ebibi, mundaa mwáchitola nga ba báfire, kanji nga ba bàli bauma-uma bushi na Ongo, kurengera ebuuma bwenyu na Yesu Kirisito.

Rero, chi tutétaa? Tuéndekeraa kuba mwa bibi chasiya ebonjo bwa Ongo buéndekere bwáluwa? Nânga chiro na hicha! Mwa myasi era yèrekere ebibi, tubano tùli nga ba báfire mira. Rero kute tùngahuba kanji kuba mwa bibi?

Mwìshi kanangana kwa mango mwénde mwáchana kwa kukorera mundu murebe nga tuungu* twai, mwénde mwáira ngo'kwa àtechire. Aola mwénde mwánaba kanangana tuungu* twai. Rero akaba mùngaba tuungu* twe'bibi, ebusinda lunáli lufu. Si akaba mùngende mwáira ngo'kwa Ongo àtechire, ebusinda kunali kuata mibere era ìtungenene.

Ongo atóngwe, bushi kwa mira mwábaa tuungu* twe'bibi, si rero emyasi era mwákangirisibwaa, mwera mwénjire mwáira ngo'kwa ìtechire kwa muchima wenyu woshi. Mwàtengire mwa bucha bwe'bibi, mwera mùli tuungu* twe'myasi era ìtungenene.