Popular Bible Verses from BAEBURANIYA 2

Share

Kanji bushi yeine áerekibwaa na kulibusibwa, àngaala kunde áasa ba bénjire báerekibwa.

Rero, bushi abu bana bàli bandu ba bète emubiri ne'mikira, chi chátumaa Yesu nai, ábaha kwa njira ye'mubiri ne'mikira kuuma nabo. Áiraa bacha, chasiya kurengera ekufa kwai, asíse Wamusimu, iwábaa wéte ebuashi bwe'kwîta ebandu.

Bushi no'ku, twěmire kunde twásimika busese mwa mwasi ola tômvaa, tungesha kwábuka enjira.

Bushi no'ku, byábaa binámwemire ahúhe banyakabo mwa myasi yoshi. Mwa bacha, érire ába Mukulu-kulu we'bakuhanyi* ola wète chamba, kanji ola ùngachinyiirwa mwa mulimo wa Ongo, chasiya ebibi bye'bandu bibábalirwe.

Si cha tusene'ko, chi chechine: Yesu ábikibwaa era chibanda se'bamalaika* ku bihangi bieke, chasiya kurengera ebonjo bwa Ongo, àlibusibwe na kwêchibwa bushi ne'bandu boshi. Rero kurengera olu lufu lwai, éresibwe engulu ne'tunda.