Popular Bible Verses from Baefeso 1

Share

Kanji nénjire námwěma àbalomekere mwa michima yenyu, múnde mwálola kwa bulangare bwai. Mwa bacha, mungámenyerera emunyiiro ola áberesaa mango ábamaalaa. Kanji mungámenyerera engulu ye'buare bwe'mwandu bwa ábikirire ebandu bai. Kanji mungámenyerera kwa emisi ye'buashi bwai itúla inene ku tubano tu tùmwêmerere. Ei misi ye'buashi bwai inei i'Ongo ákoresaa mango ômwolaa Kirisito* ne'kumwěkasa kwa lunda lwai lwe'malyo kwa nguba. Mwa bacha, Kirisito* i'ùli era luulu se'bakulu-kulu boshi, ba bète buashi boshi, na ba bète misi, ne'bami boshi, ne'ra luulu sa chira esina mwo'buno butala bwa lwarero no'mwa butala bwa bukábaha.

Era muhondo se'kubumbwa kwe'butala, Ongo ábaa átulondwere mira, túbe bandu bai kurengera ebuuma bwetu na Kirisito*. Áiraa bacha, chasiya túbe bandu babuya-buya kanji ba batéte chibi chisibya era muhondo sai. Rero bushi Ongo atúla àtusimire, átulondolaa kutengera mira túbe bana bai kurengera emulimo wa Yesu Kirisito. Ásimaa kuira bacha mwa bubuya bwai.

Bushi Kirisito* átufiraa, twánunulibwe na kubabalirwa emabi metu. Aola, Ongo álosise ebwingi bwe'bonjo bwai

Túndaa twátonga Ongo, Eshe wa Enawetu Yesu Kirisito! Bushi iwátweresise engahanyi soshi se'muchima kutenga kwa nguba kurengera ebuuma bwetu na Kirisito*.