Popular Bible Verses from Roma-ne̱ 11

Share

Remu̱ du̱gu̱-du̱ wu̱n, tu̱msu̱ u̱du̱ wu̱n, tu̱msu̱ u̱du̱ du̱ wu̱n de̱ na no̱m-te̱ ko-uyan. Yage̱ fu̱bu̱sse̱ tu̱ shu̱'u̱t u̱du̱ wu̱n m-mo̱mmo̱! U̱ shu̱'u̱t iya!

Nip-tu̱ ra-du̱ ve̱r-su̱ u-Ru̱ tu̱msu̱ nap-m rò zatte̱ u̱r-ma da, kwu̱p-du̱ u̱s-rem u̱ rò ze̱k u̱r-shu̱t. No̱m-tu̱ wa o̱ u̱t-no̱m ze̱k nap-mu̱ ne̱t.

U̱ka Rem-su̱ u-Ru̱ zu̱tte̱: <<¿Wana nape̱ jab-u̱ Yawe? ¿Wana o̱ hu̱u̱b-u̱ rò, wana he̱e̱se̱ yadu̱ wu̱n u̱s-rem?>>

Ko̱ u̱ da-o̱ iya o̱tte̱. Ne̱t-tu̱ o̱ro cashi i kuse̱ i Ru̱-u̱ dage̱ remu̱ nya-u wa. Du̱g-u̱t to̱ tu̱ Ru̱-u̱ no̱me̱ remu̱ nya-u wa o̱, za remu̱ u̱s-pama su̱ u̱n no̱me̱ da. U̱zu̱ iya da, nya-u u-Ru̱ za shu̱'u̱te̱ nya-u so̱-o̱ da.

No̱mo̱n u̱s-dorog u̱zu̱: ana kwu̱pre̱ fe̱-su̱ te-su̱ ze̱tun su̱ na se̱re̱, se̱ na ku̱b fe̱-yu̱ te-yu̱ ze̱tun yu̱ u̱r-do̱g na dame̱ u̱r-kot. No̱ i za ne̱t-tu̱ Yahuda-ne̱ da, no̱ o̱ u̱ka te-yu̱ ze̱tun yu̱ u̱r-do̱g, ana dame̱ no̱ u̱s-gu̱r ne̱, no̱ de̱ kwu̱m-du̱ nya-u̱ u-Ru̱ remu̱ Yahuda-ne̱. Remu̱ iya, a no̱ no̱m u̱t-u̱k u̱zu̱ no̱ ze̱k fe̱-u̱s se̱ su̱ na kupse̱ da. A no̱ o̱ u̱t-u̱k baksu̱n u̱zu̱, a no̱ shipe̱ u̱s-gu̱r da, se̱di gu̱r-se̱ shipe̱ no̱.