Popular Bible Verses from Hyan-u 3

Share

Me̱ ya ana! U̱m o̱ ees u̱ bo̱n-du̱ is tu̱msu̱ u̱m o̱ u̱t-ko̱o̱t. A waku̱n ho̱ge̱ cwar-u ri tu̱msu̱ wa upus u-is u̱m do̱'e̱ cwaan u̱-me̱ bu-u wa tu̱msu̱ u̱m do̱'e̱ re̱-du̱ no̱m u̱t-re̱ u̱r-kot u̱ wa ne̱, tu̱msu̱ wa do̱'e̱ u̱t-re̱ u̱ me̱ ne̱.

U̱m nak ank-m ró. U̱m nak u̱zu̱ bo̱ zatte̱ m-du̱ng ko̱ m-tor da. U̱m cwan-u̱g u̱zu̱ no̱ o̱ m-tor ne̱ ko̱ m-du̱ng ne̱. Se̱di ba shu̱'u̱te̱ no̱ zatte̱ m-du̱ng ko̱ m-tor da, u̱m do̱'e̱ top-su̱ no̱ du̱gu̱ me̱ nu-u ri.

Ne̱t-tu̱ u̱m o̱ u̱t-cwan e̱ o̱ ne̱t-tu̱ u̱m o̱ nak-du̱ u̱t-to̱ tu̱msu̱ u̱t-him ne̱. Rem iya wa'u̱n jab u̱ka no̱ do̱te̱ yage̱-du̱ u̱t-ba'as.

U̱m nak no̱m-tu̱ no̱ nome̱ u̱t-be̱e̱t, tu̱msu̱ u̱m upuste̱ u-is u̱ remu̱ no̱ yu̱ waku̱n zaaru̱ ke̱rru̱ u̱t-tage̱ da. No̱ o̱tte̱ u̱r-be̱b cashi, m-ha iya ne̱ no̱ dor rem-u̱s ri tu̱msu̱ no̱ no̱ng se-m ri u̱zu̱ no̱ o̱ wa-doru̱ ri da.

U̱du̱ wu̱ re̱ye̱ u̱r-ko̱rro̱ me̱ ya'u̱ wa u̱r-be u̱r-kot u̱-me̱ ne̱ u̱ do̱m-u̱ pora-du̱ u̱r-faru̱k-u̱ ri, u̱ka u̱m rete̱ u̱r-ko̱rro̱ tu̱msu̱ u̱m shu̱'u̱t u̱r-kot u̱ u̱so-u ri ne̱ u̱ do̱m-u̱ pora-du̱ u̱r-faru̱k-u̱ wa.

Remu̱ zu̱ no̱ o̱ u̱t-war u̱-me̱ no̱, <<It o u̱t-kwu̱m ne̱. It o̱tte̱ ko̱-uyan u̱ it o̱ u̱t-sa.>> Se̱di no̱ nak da u̱zu̱ yu̱-u̱r no̱ u̱-me̱ Yar-u̱ u-Ru̱ de̱ shaktu̱sse̱, no̱m-tu̱ u̱r-o̱n, wa u̱r-ko̱b, po̱, tu̱msu̱ u̱r-so.

Rem u̱zu̱ no̱ do̱ro̱g bo̱r-u ri u̱du̱ gag-du̱ jab ne̱, u̱m do̱'e̱ e̱'-du̱ no̱ du̱gu̱ da-u̱ reg-m yat-mo̱ mu̱ do̱'e̱ haan u̱-me̱ u-dak u-be̱e̱t remu̱ na reg-u̱t i o̱ m-yu̱ u̱-me̱ u-dak u-be̱e̱t.

U̱m o̱ haan za m-tumb. Ship yadu̱ jab u̱ bo̱ o̱tte̱, taas u̱ waku̱n haan wa kost to̱p-du̱ u̱r-faru̱k du̱ na do̱'e̱ yadu̱ bo̱ da.

Zu̱tu̱n du̱gu̱ m-roog, tu̱msu̱ no̱ swu̱re̱ no̱m-u̱ kuse̱ me̱ no̱ cashi u̱r-be̱b kanda o̱ mu̱ru̱s u-be̱e̱t. Remu̱ u̱zu̱ u̱m byu̱k-u̱t u̱zu̱ no̱m-u̱ no̱ o̱ u̱t-no̱m o̱ shu̱u̱ste̱ no̱m-u̱ Ru̱-u ri o̱ u̱t-sa no̱ no̱m da.