Popular Bible Verses from Hyan-u 11

Share

Wa-to̱m u-Ru̱ wu̱ u-ta'er wa fur yu̱wa kar-ya, tu̱msu̱ cwar-su̱ yu̱ne̱ u̱t-jar m-yat u̱-me̱ do̱m u-ru̱ se̱ o̱ u̱t-zu̱: <<Faru̱k-du̱ dak-u̱ u-be̱e̱t shu̱'u̱te̱ be-du̱ faru̱k-du̱ Wa-ko̱-uyan u̱ in tu̱msu̱ u̱ Kiristi wu̱n ne̱. Tu̱msu̱ Wa-ko̱-uyan do̱'e̱ u̱ no̱m-du̱ u̱r-faru̱k m-mo̱mmo̱.>>

Dak-tu̱ hog u̱s-ryab, se̱di ryab-u̱s rò teegu̱n, tu̱msu̱ da-u̱ teegu̱n u̱ bo̱ do̱te̱ no̱mu̱ i mare̱ kwu̱p-du̱ u̱s-rem, tu̱msu̱ bo̱ ya' to̱k-ne̱ rò, a-warru̱ rem-su̱ u-Ru̱ ne̱, to̱p-u u̱n, tu̱msu̱ u̱ dame̱ ne̱t-tu̱ u-Ru̱ ne̱ u̱ i o̱ ho̱g-du̱ gye̱r-u̱ dim-u̱r ró ne̱, m-ha u̱ i-re̱k-e̱ u̱ i-yate̱ ne̱. Tu̱msu̱ da-u̱ teegu̱n u̱ bo̱ do̱'e̱ ho̱ru̱sse̱ ne̱t-tu̱ ho̱ru̱sse̱ u-dak u-be̱e̱t.>>

Tu̱msu̱ u̱m do̱'e̱ yadu̱ a-warru̱ nip-u̱t ri ne̱ yu̱r u̱r-be̱b du̱ warru̱ rem-su̱ u-Ru̱ m-te u̱t-ho̱ 1,260 m-wa u̱ cwu̱-tu̱ namu̱ jab ne̱.>>

Se̱di ba roog-mu̱ u̱t-tu̱t u-u̱k arke̱ vu̱'e̱ su̱ u̱r-fat du̱gu̱-du̱ u-Ru̱ to u̱-me̱ u̱n, tu̱msu̱ u̱n yu̱ne̱ u̱ ba-tu̱ u̱s-na u̱n. Ne̱t-tu̱ hyane̱ u̱n gye̱r-u̱ yat-ya maas e̱.

Ne̱t-u̱t tun-to̱ u̱t-yu̱r u̱n o̱tte̱ be̱b-du̱ tage̱ du̱ do̱m u-ru̱ taas na no̱m u-yu̱ da da-u̱ e̱ o̱o̱ge̱ warru̱ rem-su̱ u-Ru̱. Tu̱msu̱ u̱n o̱tte̱ be̱b-du̱ muut-du̱ m-sa tu̱msu̱ u̱s-gi ne̱ m-hyu̱, tu̱msu̱ u̱n haatu̱n ko̱-uyan go̱-du̱ no̱m-tu̱ haatu̱n swadu̱ u̱r-ko̱b u̱-me̱ u-dak ko̱-uyan da-o̱ cite̱ u̱n.

A-warru̱ u̱t-nip ne̱ ine̱ yu̱r e̱ o̱o̱ge̱ te-su̱ ze̱tun u̱s-yu̱r tu̱msu̱ kwam-su̱ u̱r-ees su̱ na su̱kte̱ u̱s-hitirra u̱s-yu̱r su̱ eese̱ u̱-shu̱ Wa-ko̱-uyan wu̱ o̱tte̱ u-dak u-be̱e̱t. A waku̱n o̱ cwan-tu̱ wa ho̱nse̱ u̱n, ra-u̱ rwu̱u̱n du̱gu̱ nu-u̱t u̱n o̱ tokos hu̱u̱b-u̱t yo̱-to̱ u̱n. Iya-o̱ ko̱wana wu̱ o̱ u̱t-sa wa ho̱nsu̱ u̱n wa do̱'e̱ u̱t-mar.