Popular Bible Verses from Nomru 16

Share

Ma efu MASRA sa du wan sani di noiti no psa ete, efu a meki a gron priti opo swari den man disi nanga ala sani fu den, meki den saka go libilibi na ini dedekondre, dan un sa sabi taki den man disi si MASRA fu noti.” Moses no ben kba taki wan bun fasi di a gron priti opo ondro den futu. A gron bradi en mofo opo, dan a swari den, den ososma fu den, ala den sma fu Korak nanga den sani fu den.

Korak ben de a manpikin fu Yishar. Yishar ben de a manpikin fu Kehat èn Kehat ben de a manpikin fu Lefi. A Kehat disi teki Datan nanga Abiram, tu manpikin fu Eliab nanga On, a manpikin fu Pelet. Den man disi ben de fu a lo fu Ruben. Dan den man disi go na Moses. Tu hondro nanga feifitenti man ben go nanga den. Den man di ben go nanga den ben de fesiman fu a folku. Man di a folku ben e lespeki.