Popular Bible Verses from Leviticus 26

Share

Mi sa koiri na un mindri. Mi sa de un Gado èn un sa de Mi pipel.

dan Mi sa meki alen fadon tapu a yoisti ten. A gron sa gi nyanyan èn den bon sa gi froktu.

Efu un du den sani di un mus tan du èn un hori un na den gebod fu Mi

Mi sa meki freide de ini a kondre, fu un kan sribi sondro taki wan sani skreki unu. Mi sa yagi den krasi meti puru fu a kondre èn no wan tra kondre sa feti nanga unu.

Mi sa sorgu gi unu. Mi sa meki un kisi furu pikin èn Mi sa meki un si taki Mi e hori Mi na a ferbontu.

Mi na MASRA, un Gado, di puru unu na ini Egiptekondre, fu un no de srafu fu den moro. Mi broko a hebi di ben de na un tapu fu un kan tnapu let'opu.

Mi sa poti Mi tenti tnapu na un mindri èn Mi no sa drai Mi baka gi unu.

“Un no sa meki kruktu gado gi unsrefi. Un no sa koti udu ston noso wan tra sani tu fu meki wan popki fu en noso poti wan ston tnapu fu anbegi en. Un no sa tyerfi prentyi tu ini ston, dan un poti den tnapu ini un kondre fu boigi gi en. Mi na MASRA, un Gado.

Un sa nyan a nyanyan di un ben kibri poti ini maksin, te leki a ten doro fu un koti nyanyan baka. Dan un o abi fu puru a owru nyanyan ini den maksin fu meki presi gi a nyanyan di un koti now.

Feifi fu unu sa wini wan hondro èn wan hondro fu unu sa wini tin dusun fu un feyanti. Un sa kiri den na ini feti.

A ten fu masi a buba puru na a graan, sa tan te leki a ten doro fu un puru den droifi na den bon. A ten fu puru den droifi na den bon sa tan te leki a ten doro fu sai. Un sa nyan te un bere furu èn un sa libi sondro frede ini un kondre.

Na unu sa meki den feyanti fu unu lon èn un sa kiri den na ini feti.

Un hori unu na den sani fu a sabatdei èn un mus abi lespeki gi a santa presi fu Mi. Mi na MASRA.