Popular Bible Verses from Sarisingi 1

Share

Tye: Yerusalem di ben furu nanga sma, de sondro wan enkri libisma now. Wan fu den moro prenspari folku, de now leki wan uma di masra dede kba. Wan gudu uma di ben abi makti mindri den folku, tron wan srafu now.

Heri neti a e krei, watra ai e lon na en sei fesi. No wan sma e trowstu en, no wan nanga a san a ben e meki lobi srefi. Ala den mati fu en bedrigi en, den tron feyanti fu en.

Tye MASRA, luku a hebi benawtu ini san mi de, mi heri inisei e drai. Mi ati broko, bika mi ben trangayesi sote. A deigri e kiri den pikin fu mi na tapu strati, a takru siki di panya e rigeri na ini mi oso.