Popular Bible Verses from Yosua 10

Share

Dan a son tan tnapu èn a munkenki no gwe, te leki Israel ben puru en atibron tapu en feyanti. A sani disi skrifi poti ini a Buku fu den sma di de fu fertrow. A son no saka a heri dei dati, ma a tan tnapu na heimel.

Bika a dei dati, a dei di MASRA gi den Amoritisma abra na Israel, Yosua ben taki nanga MASRA leti fesi ala den Israelitisma. A ben taki: “Son, tan tnapu na Gibeon, munkenki tan tnapu na a Ayalondal.”

Wan dei leki a dei dati no ben de bifo èn a no kon noiti moro, pe MASRA piki a begi fu wan libisma a fasi dati. MASRA du en fu di A ben e feti gi Israel.

Dan MASRA taigi Yosua taki: “Yu no abi fu frede gi den, bika Mi e gi den abra na yu. No wan fu den o man hori feti nanga yu.”

Dan Yosua taigi den taki: “Un no abi fu frede èn un no abi fu lasi ati. Un mus tranga èn un mus abi dek'ati. MASRA o du a srefi sani disi nanga ala den feyanti nanga san un mus feti ete.”