Popular Bible Verses from Yeremia 6

Share

Na disi MASRA taki: Mi taigi a pipel fu Mi taki: Un go tnapu na tapu wan fu den uku pe difrenti pasi e miti. Dan un luku èn un aksi fu den owru pasi. Un aksi sortu wan fu den pasi o tyari bun gi unu, fu un kan waka tapu a pasi dati, fu un kan libi ini freide. Ma den taki: ‘Un no wani.’

Den no e si a mankeri di Mi pipel kisi leki wan bigi sani. Den e taigi den taki: ‘Ala sani e go bun, ala sani e go bun.’ Ma noti no de leki fa a mus de.

Grontapu, arki bun. Mi o meki bigi ogri miti a pipel disi. Dati o de a bakapisi fu den sani di densrefi e sidon prakseri. Bika den no arki san Mi taigi den, den e si a wèt fu Mi leki noti.

Ma mi piki taki: “Nanga suma mi mus go taki, no wan sma no e arki warskow moro. Yere, den yesi fu den tapu, den no e ferstan noti. Den e teki den sani meki spotu di mi e taigi den ini a nen fu MASRA, den e fuga fu den.