Popular Bible Verses from Yeremia 3

Share

Mi o gi un tiriman di Misrefi teki, fu luku unu. Den o tiri unu nanga sabi èn nanga ferstan.

Un drai kon baka, pikin di drai den baka gi Mi. Dan Mi sa dresi unu fu a wakawaka libi. Dan un sa taki: ‘Luku, dyaso wi de, wi e drai kon baka na Yu, bika Yu na MASRA, a Gado fu wi.

We, go, dan yu e bari taigi den di e libi na noordsei taki: Israel, yu di drai yu baka gi Mi, drai kon baka! Na so MASRA taki. Mi no sa luku yu nanga atibron, bika Mi abi sari-ati, na so MASRA taki. Mi ati no sa bron fu têgo.

Wan sani nomo yu mus du. Yu mus ferstan taki yu no du bun, dati yu ben gwe fu MASRA, a Gado fu yu, dati yu ben gwe na baka tra gado na ondro ibri bon nanga furu wiwiri, èn dati yu no ben arki san Mi ben taki. Na so MASRA taki. Un drai kon baka, pikin di drai den baka gi Mi, na so MASRA taki, bika unu na fu Mi. Mi o teki unu, wán fu ibri foto nanga tu fu ibri famiri, dan Mi o tyari un kon baka na Sion.