Popular Bible Verses from Yeremia 29

Share

Mi sabi sortu prakseri Mi abi nanga unu, na so MASRA taki, prakseri fu sani kan go bun nanga unu, no fu ogri miti unu. Ini a ten di de na un fesi Mi o gi un a bun libi tapu san un e howpu.

Te un sa suku Mi nanga un heri ati, un o feni Mi.

Dan te un sa kon na Mi ini begi èn aksi Mi fu yepi unu, Mi sa du san un e aksi.

Mi sa meki un feni Mi, na so MASRA taki, èn Mi sa tyari wan kenki kon gi unu. Mi o puru unu na mindri fu ala den folku nanga den presi pe Mi ben yagi un go, èn Mi o tyari un kon na wan, na so MASRA taki. Dan Mi o tyari un go baka na Yerusalem, na a presi fu pe den ben tyari un gwe nanga tranga.

Bika na disi MASRA e taki: Seibitenti yari sa psa na ini Babel. Dan fosi Mi o du san Mi pramisi unu fu tyari un kon baka na Yerusalem.