Popular Bible Verses from Esekiyel 37

Share

Ne A taigi mi taki: “Taigi den bonyo disi san Mi e gi yu fu taki. Taigi den taki: ‘Drei bonyo, un arki a boskopu fu MASRA. Na disi Masra MASRA e taigi unu: Un yere, Mi o poti a libibro ini unu èn un o libi baka.

Mi o poti titei nanga meti na un tapu, Mi o tapu un nanga buba èn poti a libibro ini unu fu un kon na libi baka. Dan un o sabi taki Mi de MASRA.’ ”

Dan Masra aksi mi taki: “Manpikin fu libisma, den bonyo disi sa man kisi libi baka?” Mi piki taki: “Masra MASRA, dati na Yu wawan sabi.”

A krakti fu MASRA kon na mi tapu dan a Yeye fu En tyari mi go poti ini wan dal di ben furu nanga bonyo. A meki mi waka alasei fu a dal, èn so mi ben kon si dati bun furu bonyo ben didon alasei ini a dal, bonyo di ben drei srefsrefi.

Mi now taki san Masra gi mi fu taki, leki fa A ben komanderi mi. Leki fa mi bigin du dati so mi yere wan safri babari. Na den bonyo ben e beweigi, den ben e kon na wan, iniwan na tapu a yoisti presi. Mi luku, èn mi si fa titei nanga meti ben kon na den tapu, dan buba tapu den. Ma a libibro na ben de na ini den ete.