Popular Bible Verses from Esekiyel 34

Share

Den wan di lasi Mi o suku, èn den wan di ben lasi pasi Mi o tyari kon baka. Mi o tai den soro fu den wan di kisi mankeri, dresi den wan di siki, ma den fatu wan, den tranga wan Mi o kiri puru na pasi. Mi o wei den leki fa a fiti.

Leki fa wan skapuman e go luku fu den skapu fu en te den lasi pasi, na so Mi o go suku den skapu fu Mi èn ferlusu den fu ala den presi pe den ben panya go tapu wan dei fu dungru wolku di e gi frede.

Na disi Masra MASRA e taki: Misrefi o luku fu den skapu fu Mi èn Misrefi o sorgu gi den.

Na Misrefi o wei den skapu fu Mi èn meki den rostu, Masra MASRA e taki.

Unu na den skapu fu Mi, den skapu di Mi e wei. Un na libisma èn Mi na a Gado fu unu, Masra MASRA e taki.’ ”

“Manpikin fu libisma, taigi den skapuman fu Israel san Mi e gi yu fu taki. Opo yu mofo, èn taigi den san Mi e gi yu fu taki. Taigi den taki: ‘Na disi Masra MASRA e taki: A kba gi den skapuman fu Israel, den di e wei densrefi. Skapuman na skapu den mus wei.