Popular Bible Verses from Esekiyel 18

Share

Bika a dede fu wan libisma no e gi Mi prisiri, Masra MASRA e taki. Fu dat'ede, un drai baka gi sondu, fu un kan libi.

Na a sma di sondu sa dede. Wan boi no o yepi tyari den kruktudu fu en papa, èn wan papa no o yepi tyari den kruktudu fu en boi. A bun fasi fu wan sma di bun ini Mi ai sa de na ensrefi tapu, èn a ogri-ati fasi fu wan ogri-ati sma sa de na ensrefi tapu.

Un broko nanga a sondu libi di un libi èn un poti krin denki ini un prakseri nanga ini un ati. Fu sanede un wani dede, pipel fu Israel?

Mi no abi prisiri nanga a dede fu wan ogri-ati sma, Masra MASRA e taki. Ma Mi abi prisiri te a sma sa drai en baka gi a fasi fa a e libi, fu a kan tan libi.

Ma te wan ogri-ati sma drai en baka gi ala den sondu di a e du, te a e hori ala den wèt fu Mi, te a e du san bun èn libi na tapu wan leti fasi, dan a o tan na libi. A no sa dede.

a e du den sani fu Mi di a mus tan du èn a e hori ensrefi fin'fini na den sani fu Mi na san a mus tan hori, - so wan sma na wan sma di bun ini Mi ai. A no abi misi dati a o tan libi. Na so Masra MASRA e taki.