Popular Bible Verses from Deuteronomium 30

Share

Mi e teki heimel nanga grontapu leki kotoigi tide. Mi e hori libi nanga dede na un fesi, koloku nanga ongoloku. Teki a libi dan. Dan un sa tan na libi, un nanga den bakapikin fu unu, efu un lobi MASRA, un Gado, efu un arki san A e taigi unu èn efu un tan na En sei wawan. Bika disi na a fasi fa un kan libi langa ini a kondre di MASRA ben sweri gi Abraham, Isak nanga Yakob, den afo fu unu, taki A bo gi en na den.”

Bika mi e taigi un tide fu lobi MASRA, un Gado. Un mus tan libi leki fa En wani. Un mus hori unsrefi na den gebod fu En, un mus tan du den sani di un mus du èn un mus tan hori unsrefi na den sani na san un mus hori unsrefi. Dan un sa libi, un sa kon furu, èn MASRA, un Gado, sa blesi unu ini a kondre san un e go fu go teki abra.

Luku, tide mi e hori a libi nanga koloku na un fesi, ma dede nanga ongoluku tu.

Kwet'kweti! A no fara srefsrefi. A de leti ini un mofo nanga ini un ati. Ala san yu abi fu du na fu du nomo san den e taki.

MASRA, un Gado, sa koti a fesibuba fu un ati nanga di fu den bakapikin fu unu, fu un kan du san A e taki. Dan un o man lobi MASRA, un Gado, nanga un heri ati èn nanga un heri sili, fu un kan tan na libi.

MASRA, un Gado, sa meki taki ala sani san un e du sa go bun nomonomo. A sa meki un kisi furu pikin. A sa meki den meti fu unu furu pikin èn A sa meki a gron fu unu gi furu nyanyan. Bika MASRA sa abi prisiri baka nanga unu èn blesi unu, leki fa A ben abi prisiri nanga den afo fu unu.

Ma efu un drai un baka gi En, èn efu un no wani arki, ma un meki den kori unu fu un boigi gi tra gado èn fu un dini den, dan mi e taigi un tide taki na dede un o dede. Un no o libi langa ini a kondre di un o teki abra, te un abra a Yordanliba.

“Den gebod di mi e taigi tide fu hori, no tranga gi unu fu hori èn den no tranga fu ferstan.

A no de na heimel. So un no abi fu taki: ‘Suma sa kren go fu go teki en gi unu fu un kan arki èn du den sani?’

A no de tu na a tra sei fu a se. So un no abi fu taki: ‘Suma sa koti a se fu go teki en gi unu fu un kan arki èn du den sani?’