Popular Bible Verses from 1 Samuel 2

Share

No wan sma santa leki MASRA, no, no wan de leki Yu, no wan trangawan no de pe wi kan kibri leki wi Gado.

Na En e opo den wan di no de na teri, puru na a gron. Na En e hari pôtisma puru na ini tokotoko. A e poti den sidon makandra nanga gudusma, èn A e gi den wan spesrutu presi fu sidon. Den fundamenti fu grontapu na fu MASRA, na tapu den A seti grontapu poti.

MASRA e kibri den sma di e tan waka na En baka, ma den ogri-ati sma, e dede ini dedekondre. Bika a no nanga wi eigi krakti wi e go na fesi.

Na MASRA e meki gudusma kon pôti, èn pôtisma kon gudu. Na En e broko sma saka, èn na En e gi sma grani.

Na MASRA e gi libi, èn na En e teki en baka. Na En e seni sma go na dedekondre, èn na En e meki sma kmopo fu drape baka.