Popular Bible Verses from 1 Samuel 19

Share

Saul ben taigi en manpikin Yonatan nanga ala den wrokoman fu en tak' a ben wani kiri David. Ma fu di Yonatan nanga David ben de bun mati, a go taigi David taki: “Mi p'pa wani kiri yu. Fu dat'ede yu mus de na ai tamara mamanten. Go suku wan kibripresi èn tan kibri drape.

Ma a takruyeye di MASRA ben seni, ben kon tapu Saul baka. A ben sidon ini en oso nanga en lansri ini en anu. David ben drape e prei na tapu en citer. Dan Saul fringi en lansri tapu David fu spikri en fasi na a ososkin. Ma David ben kan kmoto gi a lansri di tan fasi na a ososkin. Ne David lon èn a srefi neti dati a lowe gwe.