Popular Bible Verses from 1 Samuel 17

Share

Ma David piki en taki: “Yu e kon na mi tapu nanga deigri, lansri nanga wan kron deigri. Ma mi e kon na yu tapu ini a nen fu MASRA fu ala sani, a Gado fu a legre fu Israel, di yu afrontu.

Ala sma dyaso o ferstan tak' MASRA no abi deigri nanga lansri fanowdu fu ferlusu En pipel. Bika MASRA sabi fa a feti o waka, èn na En o gi yu abra ini wi makti.”

Na MASRA ben ferlusu mi fu den lew nanga den beer, na En sa ferlusu mi tu fu a makti fu a Filistijnman dati.” Dan Saul taigi David taki: “Yu kan go, MASRA sa de nanga yu.”

Tide MASRA o gi yu abra ini mi makti. Mi o kiri yu èn mi o kapu yu ede puru fu yu neki. Tide mi o gi den tingifowru nanga den krasi meti den dedeskin fu den Filistijnsrudati. Dan heri grontapu sa sabi tak' Israel abi wan Gado.

a teki a tiki nanga san a ben e luku den skapu, a suku feifi moi grati ston ini a pikin drei liba, dan a poti den ini a saka di a ben abi na en, a saka pe a ben gwenti poti den ston fu en slinger. A slinger fu en a ben hori na en anu. Na so David waka go miti a Filistijnman.

David taigi Saul taki: “No meki no wan sma lasi ati fu a man dati ede. Yu knekti sa go feti nanga en.”