Popular Bible Verses from 1 Samuel 15

Share

Ma Samuel piki en taki: “MASRA no abi a srefi prisiri te sma e bron meti leki ofrandi gi En nanga te sma e du san A e taki. Arki, fu du san MASRA taki, betre moro dan fu srakti meti leki ofrandi. Fu arki san A e taki, betre moro a fatu fu man skapu.

Fu tru, efu yu no wani du san MASRA e taki, a de a srefi leki te yu e du tofruwroko. Efu yu no wani arki san MASRA e taki, a de a srefi leki te yu e dini kruktu gado. Fu di yu no du san MASRA ben komanderi yu, MASRA poti yu na wan sei, yu no sa de kownu moro langa.”

A Gado fu Israel di e tan a srefi fu têgo, no e lei. A no e kenki wan besroiti tu di A teki. Bika En a no libisma, taki a sa kenki a besroiti di A teki.”

“A e hati Mi tak' Mi meki Saul tron kownu. Bika a drai en baka gi Mi èn a no du san Mi ben komanderi en.” Samuel atibron, èn a begi MASRA a heri neti dati.