Popular Bible Verses from Хуруҷ 32

Share

Чи бидун хеле вахт агудар, лекин Мусо чи ғар наавесишт. Иш авенору мардум Ҳоруни рит ҷамъ авоору аво: "Ҷаху мох бахша худо соз кун, то мох риторит тиронт. Чобахшак ит Мусойпи, ки мох чи Мисри сарзамин ажувар, нағиривимишт чо вита".

Ав вахт Худованд Мусойса аво: "Дарав такиса вес, чобахшак ту халқик, чи Миср ажуварӣ, фосид витаор. Ахтит чи ротик, автитиса амр иктам ой, аллакай нижтаор. Ахтит хапти бахшашинт ӣ тиллоӣ макшашинт вистаю ави парастиш куношт, ке ависа қурбунӣ акунору авор: "Ана шумох худо, эй Исроили халқ, ки шумох чи Миср ажувар!"

Ҳорун иш авен, макшай рит ӣ қурбунгоҳ соз акуну эълон акун: "Фирунта Худованди бахша ид кунимишт". Ани мет ахтит барвахт аҷахору сухсунтагӣ қурбунию сулҳи қурбунӣ акун. Баъд халқ хвараку жаваки анидору арғушту бозӣ бахша аҷахор.

Ани мет Мусо мардумиса аво: "Шумох азим гуноҳ акунти. Акнун ман Худованди рит санумишт, то агар тунум гуноҳтшинт ҷуброн кунум".