Popular Bible Verses from Roomi 12

Share

Heennaasene a Waaqa paxaara ka orra xasanna ka qaja in qapnini, akka upnaatta ettanissane'e; qalpeetaayshin haaraya' kodada, caattaayshin ka pursamo diisheey, kallaata a piisseti' pahato in kallaadan.

Semmalla hellaanno a kiristaanatiiyyi, akka isi piisa kalisoota a caatta qapto ka qulqullaawte ka a Waaqa xasannitto' kootan ka dehassane'e maxxase a Waaqa diissampayta koddeetnnin ishin naappanni. Wossen a dehassa ishin parpaaccisnitta' nefo, Waaqa' koda kodeetase a dukaata a kara paxaarumta qapto.

Kippeetan xasooda. Ka makaroppa duupada ka awta piisa qinsada.

Semmalla wa neeqa wa a paxaaratin pute diisheey, wa neeqatinni in putaman.

Ka jaalala a hellaa toollaatin oli jaalada ka oli ulfeessa'e olli' qaqqatta.

Jaalala a dukaata a oppa pappahanassa in kinnini qapnaada ka wa neeqa' needdada ka wa paxaara' koda' japaada.

Oton i'ishina' koddiniiyyi nama piisa olli nakaytan kallaatta'e, qindaayshinaayye desa wa parpaaccisna piisa koda.

Moottadaayyooyye! Itaafamte ka kiini “A haalota pooyyino ka kuura haalota' oorinno ana kiini Waaqa Poqallaay” Ishina' miira Waaqa' diisha diisheey, mattaayshina' haalota an pooyyan.

A hapuran kupanna' kodda ka poqalla kela koda koda diisheey kokkonnumoosenen an diishan.

Semaliiyyiiw ishina takka takkaayye akka amanteetase a Waaqa ishina' daashe kitto mina'e, naalumaan dikada diisheey, qoota mattaayshinati desa a ishina' parpaaccisnitto qaropa isi peepaanne an dikadanen kiini ka daassata Waaqa a ana' daasamten ishina' lelli.

Fuula nama piisa' tura wa a paxaara' koda diisheey, oto orra wa a neeqa ishin qara' koonooyye; ishina' kapa wa neeqa ishootta qara an kodan.

Ka dikatta takka' qara olli kaleetan kallaada ka isi kukuttissa kapaayye sekaada ka isi peepa alle' diisha ka teekolaya olliiyyi takkumtan kallaada. Ka issi in kidane “An upnampaya.”

Semmalla, “A haalota pooyyito kapaayye, paarakaalaatti oto doxane, damshe ka oto deepodaneeyye, ikkishe. Oton sede' kooniiyyi apitta jeeratinni isha kupni.”

A ishin kamma pora daanna eepisa; ishootta eepisa diisheey, in jiijan. A xasoonna olli xasooda ka a pooyna ollii pooya.

Ka rakkootoppa hellaanno a kiristaana' qaarqaara ka a xaykuma' deena kuli teyyada.

Dakintinno takka qudaayye meella lekaya ca, meella piisa ka matta mina' kodaaysho' qapan; akkimoose mina'e, ino a leka, Kiristoosinni an dakinta takka; qootan meella a dakinta takka' koddine malla, meela piisa matta mina'e olkarandesa saare.