Popular Bible Verses from Mataafa Sooketa 10

Share

Sekammaayye Yaahiwwe ka Muuse kide, “Anti akkan milikkitaddosen xayyo ishoottoppa akkisho'en karitta a Feri'ooni isho a saarraadi kokkonnaysheey, atti Feri'ooni kapopa aane. Waaqa malla sede kode, akkiman anti Yaahiwwe kodde akka upnaattan ka waan Kipseeta qara kode ka milikkitadda an ishootta qara akkishe, hellaassin isho oopaddaassina torritan malla.”

Sekkammaayye Yaahiwwe ka Muuse kideewwe, “Akka tukkanta a nan kiite piitase a Kipsi qara deeto'e, harkaayti moontopeela derayshe.” Muuse ka harkaadi opeela derayshe; haka kuyyaata sessaati'i tukkanta a nan kiite ka piita Kipsi piisa qara deete. Kuyyaase sessa kara'e Kipseeta ka olli in akkinin umma nama poraadippa leehe takka nefo in co. A kodditoma porra oppa Isira'eeleta kalto piisa oppaayye la'ayta caade.

Semmalla Muuse ka uleese xaadi piita Kipsi qaropa qapade; Yaahiwwe ka halkeesse isho kuyyaase kumma akka xayxayta a qinda piirtota piisse qaropa dawo kode; ete parri pariteeyye xayxayse ka torrayta haade. Torraytase ka piita Kipsi piisa qara de'e ka piita Kipsi piisa qara kuti'e ka tupa desa nyoqnyooqni. Umma torrayta asse kutta turan apari in deene umma itturopa in de'o.