Popular Bible Verses from ROMANOS 14

Share

Taita Dios mandacucpi causanaca mana ubianata, micunata yuyashpalla causanachu, ashtahuanpish cashcata ruhuashpa, mana p'iñanacushpa, Diospac Espíritu yuyaita cushca shina cushicushpa causanami can. Chai shina ruhuashpa, Cristopacta ruhuacmi Taita Diostapish cushichin, shinallatac runacunapacpish alli nishca can.

Chashna cashcamanta causashpapish, Apunchic Jesuspacmi causanchic. Huañushpapish, Apunchic Jesuspacllatacmi huañushun. Chashna cashcamantaca causashpapish, huañushpapish Apunchic Jesuspacmi canchic.

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

Chaimanta ñucanchicca caishucta chaishucta mana allichu nishpaca, mana rimanachu canchic. Chaipac randica, shuctac criccuna pandarishpa ama urmachunca, ima millaita mana ruhuanatami yuyana canguichic.

Dios quillcachishcapica: “Mandac Diosca: ‘Ñucaca causacucllami cani. Chashna cashcamantami ñuca ñaupapica tucui mashna cunguringacuna. Tucuimi ñucataca “canca Diosmi cangui” nishpa alli ningacuna’ ” ninmi. Shina cashcamantaca ñucanchic quiquinllatacmi imata ruhuashcacunataca Taita Diosman ricuchigrina canchic.

Manarac sinchi criccunataca mana caita chaita nishpami, alli chasquina canguichic.

Shina cacpica, ¿ima nishpatac canca shucpac servictaca juchanchishpa rimangui? Alli cachun, mana alli cachunpish paipac amollatacmi imatapish ninga. Apunchic Jesús imatapish ruhuaclla cashcamanta paita huacaichicpimi, alli nishca canga.