Popular Bible Verses from SAN MARCOS 10

Share

Runa Tucungapac shamushca*f** ñucaca, mana servichingapacchu shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

Chashna mancharicpi Jesús paicunata ricushpaca: —Gentecunapac yuyaipica, maita mana quishpiripacchu, ashtahuanpish Taita Diosmanca imapish ruhuaipacllami— nirca.

Shina nicpi Jesusca: —Ña rilla, ñuca alliyachinata crishcamantaca, ñami alliyashcangui— nirca. Chashna nicpi paipac ñahui ña ricucpica, Jesusta c'atishpa ñanta rircallami.

Chashna cashcamanta Taita Dios tandachishcataca, pi mana ch'icanyachinachu can— nirca.

Chashna nicpimi, Jesusca chai runata c'uyailla ricushpaca: —Can chashna ruhuashca cashpapish, caitami ruhuanarac cangui: Cambac tucui ima charishcacunata c'atushpa, huacchacunaman cugri. Chashna cushpaca, jahua pachapica achcatami charingui. Chashna cushpaca, ñucata c'atingapac shamuilla— nirca.

Chashna chayaricpi Jesusca: —¿Imatatac ruhuachun ningui?— nishpa tapurca. Shina nicpi chai ñahui mana ricuc runaca: —Yachichic, ñuca ñahuicunata alliyachishpa cui— nirca.

Ashtahuanpish cancunapurapica, mana chashnachu cana canguichic. Maijanpish punta mandac casha nishpaca, caishuccunata servinami canguichic.

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

Shina cacpipish achcacunami cunan alli nishcacunaca, yangalla cangacuna. Yangalla nishcacunaca, alli nishcami cangacuna— nirca.

Ashtahuanpish Taita Diosca cai pachata ruhuashpaca, c'aritapish, huarmitapish ruhuarcami. Chaimantami c'arica taita mamata saquishpa, huarmihuan tandarishpa causanga. Chashna tandanacushpaca, ishcaimanta shucllami tucunga. Shinashpaca ña mana ishcaichu, ashtahuanpish shucllami can.