Popular Bible Verses from Bhaloma 8

Share

Twenga tutenda kuhimanya yakubhee mu hikubho yoa Annoongo apangana lihengo pamo na bhoa bhabhaapala, mu kwaapekeanga gammbone, nga bhenibhala bhabhatekemwa ligongo lya lihengo lyabhe.

Ndekuhimanya kweli kubhee chakwa chilebhe chichipakombola kutulekania na upaliho gwa Annoongo, ngabha malilo wala umomi, na ngabha akaatumichi bha kunani kwa Annoongo, na ngabha machili gangi ga kunani kwa Annoongo, na ngabha gagabhokela nangocheni, na ngabha gagapakubhokela nnoongi, na ngabha bhabhakweti mamulaka, ngabha gagabhile nnani, na ngabha gagabhile pahi, na ngabha chiumbe chengi choachela ngakombola kulekana na upaliho gwa Annoongo gugubhii mu Kilisito Ayesu Hangwana bhitu.

Hiyoyo, hata handa tweenga tutekupongokewa na machili nambo Mboomo ja Annoongo atendakutujongekea machili penipala patupongokewa na machili kwa kubhee twangahimanya kujopa handa chiipalikwa. Nambo Mboomo mweene atenda kutujopela kwa Annoongo kwa lilobhe lya kiha lyangalobholeka.

Bahi, tulobhole niki kwa ngani ja gangani? Handa Annoongo akibha upande gwitu, nga aganiki jwaapakombola kutukana?

Henela, nangocheni Annoongo ngahukumulanga bhandu bhenibhala yakubhee mu umomi gwabhenji bhatekulondanika kupetela Kilisito Ayesu.

Kuganikia kukutandaikwa na mmele kuleta malilo, ila kuganikia kukutandaikwa na Mboomo kuleta umomi gwa machobha goa na kutongamanika.

Nambo, mu hikubho heye yoa, tutendakujangatilwa na Ayesu jwaatupalite.

Henela, ndendakuibhona heye hibhini ya nangocheni kubhee ngabha chilebhe, handa gonigola ukolo gwa Annoongo gugupakuhunukulikwa kwaachitu.

Aganiki jwaakombola kutulekania na upaliho gwa Akilisito? Bholi, nga kulaga, au nga hibhini au njala, uwocho gwa ngobho, au kupotekwa, au kujomoka?

Annoongo jwaalola mpaka nkati ja mitima ja bhandu, atenda kugamanya gabhaganikia jono Mboomo, kwa kubhee jono Mboomo atenda kwaajopela bhandu bha Annoongo kagulana handa henela chibhapala.

Bhandu bhoa bhabhalongolelwa na Mboomo ja Annoongo bhenabho nga bhana bha Annoongo.

Maana bhenibhala bhabhatamanga kwa kuhikagulanga hikubho ya mmele bhatendakuganikianga hikubho ya mmele, ila bhenibhala bhabhahikagula Mboomo bhatendakuganikianga hikubho ya Mboomo ja Annoongo.

Handa Annoongo jwangaabhilila Mwana jwabhe jwa jika, ila akaabhoa ligongo litu twenga twabhoa. Handa atendite henela, bholi, ngatupekea gammbone goha?

Mboomo mweene atendakongoloka pamo na mboomo yitu kubhee twenga nga bhana bha Annoongo. Bahi, kwa henela twenga nga bhaana bha Annoongo, tupakupokela Annoongo apakutupekea gammbone bhandu bhabhe bhoa, na tupakupokela hikubho heyo kubhoka kwa Annoongo pamo na Akilisito, kweli handa tupakulaga pamo na jonojwe Akilisito, tupakupata ukolo gwabhe.

Konikola kutandaikwa na kuganikia chimmele kutenda kupwatilana na Annoongo, na kwa kubhee kuganikia konokwe ngajeketela Malagilo ga Annoongo, wala ngakombola kujeketela.

Hiyuumbe yoa hitenda kulendela kwa kulokolila muno kupala kulola kuhunukulilwa kwa bhana bha Annoongo

Tuhimanyi kubhee mpaka nangocheni, hiyuumbe yoa hitendakubhobhola kwa hibhini handa ga kuchijogola mwana.