Popular Bible Verses from Ayohana 17

Share

Mwatende habha bhandu bhaimanye jenijela kweli, lilobhe linu nga lya kweli.

Na gono umomi gwa machobha goha nga gongoni, bhammanyange mwenga, Annoongo jika bha kweli, na bhammanye Ayesu Kilisito jumutumite.

“Ngaajopelanga bhenaangota jikajabhenji, nambo ndenda kwaajopelanga na bhenibhala bhoa bhabhapakungonda nenga kwa majigano gabhenji. Ndendakwaajopela bhoa bhabhee chilebhe chimo. Atati! Ndendakujopa bhatamange nkati jitu handa henela mwenga chintendakutama nkati jangu na nenga ndame nkati jinu. Ndendakujopa bhabhee chilebhe chimo ili bhandu bha pachilambo bhahobhalelange kubhee mwenga utekunduma.

Nenga ngajopa mwabhoange mu chilambo, nambo ndendakujopa mwalolekee kubhoka kwa jonijola Abohu.

Kundopea kuntekumbekea na nenga ndekwapekeanga bhenaangota, ili bhabhee chilebhe chimo handa na tweenga chitubhile chilebhe chimo. Nenga mbakutama nkati jabenji, na mwenga mpakutama nkati jangu. Ili bhenaangota bhachitimalikange bhabhee chilebhe chimo, ili bhandu bha pachilambo bhaimanyange kubhee mwenga nga jundumite nenga, na ntendakwapalanga bhenaangota handa chintendakumbala nenga.”