Popular Bible Verses from Ayohana 1

Share

Nambo bhenibhala bhabhakaapokela na kwahobhalela, akaapekeanga uwecho gwa kutendeka bhana bha Annoongo

Pena kandai tangu hilebhe yoha yangahalakikwa, Lilobhe bhakibha, na jonojwe Lilobhe akibha pamo na Annoongo, na bhena bhakibha Annoongo.

Nhana gonogwe kung'anyima palubhendu, na lono lubhendu gwangakoombola kuguhima gono nhana.

Na bhena Lilobhe akatendeka mmele, akatama pamo na twenga. Na twenga tugubhweni nng'anyimo gwabhe, na nng'anyimo handa gwa Mwana jwa jika jwaakahika kubhoka kwa Atati, jwaatwelile wema gwa Annoongo na kweli.

Kupetela jonojwe hilebhe yoha hikaahalakikwa, kupetela jonojwe Annoongo hakaalakia hilebhe yoa. Chakwa chilebhe chohachela changaahalakilwa pangali bhenabho. Nkati jabhe mukibha na umomi na umomi gonogwe gukibha nhana gwa bhandu.

Malabhi jakwe Ayohana akaabhona Ayesu abhikunhikila, akalobhola, “Hojo nga Mwana ngondolo jwa Annoongo jwaatola mabohu goa ga bhandu pachilambo!

Bahi, Lilobhe lyakibha pachilambo, na hilebhe yoha hikalakikwa kupetela jonojwe, nambo bhandu bha pachilambo bhangaamanya. Bhakahika kwa bhandu bhabhe, nambo bhandu bhabhe bhene bhangampokelanga.

Jonojwe nga nhana gwa kweli, nhana guguhika pachilambo, na kwamulikilanga bhandu bhoa.

Kwakubhee Malagilo gakahika kwa kupetela ndela ja Amusa, nambo wema gwa Annoongo na kweli jiletitwe kupetela Ayesu Kilisito.