Popular Bible Verses from Bhagalatia 5

Share

Nambo mundu jwaatandaikwa na Mboomo jwa Annoongo abhii na Upalio, kuhachuka, kuhengwa, kuhimbalila, umbone, ntima gwa kujangatila bhangi, na kuaminika, Kuchitimalika na kuchiibhila kupangana mabohu. Gakwa malagilo gagakombola kukana hikubho heyo.

Bahi, nongela henela, kutama kwiununji kutandaikwe na Mboomo jwa Annoongo, na mwangota nkotokukagulanga kulokolilwa kwa mimele jinu kuntekubhelekwa nako.

Tutaamite kwa kujangatilwa na Mboomo jwa Annoongo, na tukagule na kutandaikwa kwabhenji.

Bhenibhala bhabhabhilinge bhandu bha Akilisito bhatekubhamba kulokolila kwabhennji kwa mimele jabhenji pamo na kuganikila kwabhenji kubohu.

Bahi, hikubho hiibhokana nakulokolilwa kubohu kwa mmele nga, ngongola, ulolohi, uhakwa, kuchalila hidimu, uhabhi, upwati, bhulwa, bwihu, lilaka, hilema, mataukano, mpwato lilaka, kolelwa, kulyee muno na hikubho yengi handa yeneyo. Ndendakunyamukanga handa chindekulongolela kunnyamukanga, bhandu bhabhatendanga hikubho heyo ngapatanga umwenye gwa Annoongo gubhee gwabhenji.

Mwangota akanung'una, nkakemwanga na Annoongo ili nnekanilwe kubhoka ku ubhanda. Nambo kulekenilwa kwitu kulokolila kwinunji, ila ntumikilanange kwa upaliho.

Maana, kuhilokolila hikubho ya pachilambo hintenda kupangana yeniyela hitendakulekanila na genigala gabhapala Annoongo, na genigala gabhapala Mboomo jwa Annoongo gantenda kulekenilana na kulokolila kwa mmele kuntekubhelekwa nako. Yene hikubho hibhle hitendakukanana ligongo helyo ngakombolanga kupangana gampalanga mwaachinabhene.

Maana malagilo goha gakwela mu kukamula amuli jenjeni jimo jijilobhola, “Mwapale handami ajinu handa chinchipala mwabhene.”

Bahi, tukotokuchipuna, tukotokuandamulananga wala kubhonelananga bwihu.

Akilisito akatupekea uhulu, akapala tuigalile tukotokubhee ubhanda. Bahi, nyemange ndandali wala nkotokondanga kabhele kubhee akaabhanda.