Popular Bible Verses from Hikubho 4

Share

Ayesu jikajabhe nga jwaakombola kwaokoanga bhandu kwa kubhee pachilambo poa lyakwa lihina lyengi tutupekiwe lya kutuokoa twenga.”

Pabhakajomolanga kujopa, penipala pabhakibhanga bhakongininge pakapukunyika, nabhena bhoha bhakalongolelwa na Mboomo ja Annoongo. Bhoa bhakajemekanga kutangachanga Lilobhe lya Annoongo pangali bhoga.

Nambo nangocheni, mwa Hangwana, nnole hijogoo yabhenji. Ntukombolehe twenga akaabhanda bhinu kutangacha lilobhe linu pangali bhoga.

Jonjoni Ayesu nga Majandiko ga Annoongo gatendakulobhola. ‘Liganga limulikanitinge mwangota akaachengi, nangocheni litekubhee liganga likolongwa lya kulupalilwa.’

Bhenaangota akanahota ya Chebule bhakibhanga bhatendakuimanyanga kubhee Apetulo na Ayohana bhakibhanga bhandu bhanga chomanga wala kumanya kohakola, bhakakangachanga namuna chibhatendita kulongelanga kwa kutongamanikanga. Bhakaimanyanga kubhee bhakibhanga bhachilondanikinge na Ayesu.

Chibhoga cha bhandu bhoa bhabhaahobhalela Ayesu chakibhanga na ntima gumo na mboomo jimo. Jwaka hata jumo jwakibha na chilebhe choachela jwakachibheka kubhee chilebhe chakwe jika, ila bhakabhagananga yoha hibhakibhanayo.