Popular Bible Verses from Hikubho 1

Share

Nambo Mboomo ja Annoongo chibhapakuntulukilanga mwaangota, mpakupokelanga machili na mpakubhee bhabhalongela ngani jangu mu Yelusalemu, mu hilambo yoha ya ku Yudea na ku Samalia, na hata kupela kwa chilambo.”

Nambo Ayesu akaalobholelanga, “Atati jika jabhwe nga bhahimanya hikubho heyo hipakupetela machobha ba hipindi hipakupitila lii. Machobha na hipindi ya hikubho heyo hibhi pahi ja ukolo gwa Atati bhangu.

Pabhakakongana pamo nabho bhakaakulumikianga kubhee, “Nkotokubhokanga pa Yelusalemu, nambo nnendange jenijela ngwaupa jibhakanhaidi Atati, yakubhehe nkajoanga mikulongela ngani jabhe. Ayohana akabaticha bhandu kwa machi, nambo pagapakupeta machobha kachoko, mwangota mpakubatichwanga kwa Mboomo ja Annoongo.”

Pagakapeta machobha makomi ncheche kubhokela kujomoka kwabhe bhakaabhokelanga bhabhachijigana bhabhe mala jijingi na kuchilangia yakubhehe akibha jwamomi. Bhakaabhona, na jonojwe akalongelanabho ngani ja Ukolo gwa Annoongo.

Pabhakajomola kulongela genago, akatolekwa kujaula kunani kwa Annoongo bhenaangota bhabhi tangu bhatendakulolanga, lihunde likaawekela bhakotokokwabhona kabhele.

Pabhakibhanga tangu bhabhikulolekeanga muno kunani kwa Annoongo, Ayesu abhikujaula, kachoko akanalome bhabhele bhawalitinge ngobho hihuhu bhakajemanga kubhandikana nabho, bhakalobholanga, “Mwangota mwabhandu bha ku Galilaya! Mbona ntenda kujemanga mmikulolanga kunani? Ayesu habhabha yakubhehe bhatekutolekwa kubhoka kwachinunji kujenda kunani kwa Annoongo apakuhika hela hela handa chimunnonitinge abhikujaula kunani kwa Annoongo.”