Popular Bible Verses from Pigbukasan 1

Share

Aw miglong ya Tyumanem na migdumala sa kadég, “Aku ya Alpa aw ya Oméga. Aku ya lyekatan aw aku uman ya katigkasan.” Kay ya Tyumanem, gayed awun sakanan pangkay adun aw pangkay asini muna, aw pangkay sa dumadateng pa.

Aku ya awun ginawa na walaꞌ ya katigkasan. Tanawa! Pangkay nyatay aku idtu muna manang nyataw uman, aw diliꞌ da aku salut matay. Aku ya awun katundanan sa kamatayen aw sa banwa na Kaludukan.

Madyaw ya kana utaw na magbasa sa manga pigpa-edeꞌ na Tyumanem asini sulat ini. Aw madyaw uman ya kana manga utaw na magpakanyeg aw magbetang adti anenganeng nilan sa pigpa-edeꞌ asini, kay agpet da saba mangka-imoꞌ.

Sa pag-inunu ku kanan, dayaw aku nyatuwad dun ni asdangan nan kasiling na utaw na nyatay da. Manang pigbetang nan adi kanak ya kalintu na palad nan aw miglong sakanan, “Diliꞌ kaw magkallek! Aku saba ya nyaka-una aw aku ya kamoliyan.

Pakanyegi mayu! Madi si Jisus na ka-agadan na manga labun, aw kita-en sakanan na kadég na manga utaw, pangkay ya manga migkalabu kanan adti krus alag silan kumitaꞌ. Aw asuntu kanan, to-o magkalat ya ginawa na kadég na walaꞌ pangintu-u, aw magpansisugaw silan. Tengteng saba na ma-imoꞌ yeiy. Amén.