Popular Bible Verses from Lukas 2

Share

Kay adun na gabi yeiy, adti lunsud ni Dabid, nya͡utaw da ya Magpaluwa-ay kamayu na yan ya Kristu na Matas na Pangulu.

Manang miglong ya anghil kanilan, “Diliꞌ kamu magkallek! Pakanyegi mayu ya un ku paglongun: Awun ubat-ubat ku kamayu na to-o madyaw na makapaleya sa kadég na manga utaw.

“Deyen ya Tyumanem na awun ni tas na langit! Aw awun da kalinaw na manga utaw asini tas na lupaꞌ na nyakatutuk sa Tyumanem.”

Aw tyumulin si Jisus aw kyadugangan pa to-o ya katadeng nan. Aw ya Tyumanem aw manga utaw alag kyatutukan kanan.

Aw yeiy ya pangilala na matinaw ya pig-ubat-ubat ku kamayu: Kita-en mayu ya tagbiꞌ na iseꞌ na pigputus na téla aw pigpakulang dun ni kakananan na manga ayep.”

Na, yan na gabi, awun manga magdadiyaga͡ay na migtungguꞌ sa manga karniro nilan dun ni panabtabanan na diliꞌ to-o mawat adti Bétléhém. Aw tigkan migpakitaꞌ kanilan ya sambuk na anghil na Tyumanem, aw kya-ilawan silan na dakulaꞌ na kalalamdag na Tyumanem. Aw to-o silan nyallek.