Popular Bible Verses from Santiago 4

Share

Yanagaw, ka͡agadi mayu ya pagkaliman na Tyumanem. Atuwi mayu si Satanas, aw malaguy sakanan lekat adti kamayu.

Pagpalapit kamu adti Tyumanem, aw ya Tyumanem magpalapit uman kamayu. Aw kamu na makasasalaꞌ, ayawi la mayu ya kadég na imo-unun na malatay. Aw kamu na migduwaduwa sa pagpangintu-u sa Tyumanem, tibulluka ya kamayu anenganeng adti kanan.

Pagpadalem kamu adti asdangan na kanaten Matas na Pangulu, aw patasen kamu nan.

Manang dakulaꞌ ya kallat na Tyumanem, yanagaw awun pigpasulat nan uman: “Mulamula͡en na Tyumanem ya utaw na magpatastas, manang kallatan nan ya utaw na magpadalem.”

Aw kun kya-ede-an na utaw ya madyaw na un nan galu imo-un manang walaꞌ nan baling imo-a, nyakasalaꞌ sakanan adti Tyumanem.

Aw pangkay sekaten mayu adti kanan, diliꞌ kamu nan atagan asuntu na diliꞌ madyaw ya tud na pigsekat mayu. Kay un mayu oloꞌ dagwasen adti pagkaliman na pagka-utawun mayu.

Kasiling kamu na utaw na miglakadenen, kay nya-uman da ya ginawa mayu sa Tyumanem. Walaꞌ kaꞌ mayu ka-ede-i na kun ginawa͡an na utaw ya asini tas na lupaꞌ, ma-imoꞌ sakanan po-on na Tyumanem? Yanagaw, kun singalan ya magagad na malatay na asini tas na lupaꞌ, dun da sakanan ka-imoꞌ po-on na Tyumanem.

Manang diliꞌ kamu maglong sa maynan, kay walaꞌ mayu ka-ede-i kun unu ya un dumateng kunallaw aw kun sangunu ya kadugay mayu asini tas na lupaꞌ. Kasiling kamu saba oloꞌ na labun na pagkita-en na maselem aw diliꞌ madugay malanas da uman.