Popular Bible Verses from Santiago 2

Share

Maynan uman, kun ya pagpangintu-u diliꞌ ka-agadan na madyaw na imo-unun, walaꞌ saba ya guna.

Kasiling na lawas na utaw na pig-ayawan da na kalaluwa nan, makapaglong kita na nyatay da ya utaw yan aw walaꞌ da ya guna. Yanagaw, maynan uman, kun ya pagpangintu-u na utaw diliꞌ ka-agadan na madyaw na manga imo-unun, tengteng na walaꞌ ya guna na pagpangintu-u nan.

Kay manga inulug, unu ya ma-untung kun maglong ya sambuk na utaw, “Nyangintu-u aku kan Jisu-Kristu,” manang walaꞌ ya pig-imoꞌ nan na un magmatinaw sa pagpangintu-u nan? Unu, mabatug sakanan paluwa-en na Tyumanem asuntu sa pagpangintu-u nan na maynan? Diliꞌ saba!

Nyangintu-u kaw na sambuk da ya Tyumanem. Matinaw saba yan. Pangkay ya manga busaw nyangintu-u uman na sambuk da ya Tyumanem, aw tyakigan silan asuntu sa kakallekan.

Manang pagaw awun maglong, “Diliꞌ mag-unawa ya kadég na utaw. Ya eped nyangintu-u sa Tyumanem. Ya eped mig-imoꞌ sa madyaw.” Aw yeiy ya kanak tubag adti kanan: “Pakita͡an kanak na awun pagpangintu-u mu sa Tyumanem pangkay walaꞌ ya imo-unun mu na madyaw. Aw aku uman pakitaꞌ ku kanmu na awun tengteng pagpangintu-u ku, magi saba sa manga imo-unun ku na madyaw.”

Kay dun ni allaw na pag-ukum na Tyumanem, ya utaw na walaꞌ ya pagkallat sa eped nan, diliꞌ uman kallatan na Tyumanem. Manang ya utaw na awun pagkallat sa eped nan, walaꞌ ya un nan kallekan dun ni allaw yan.

Yanagaw, kya-ede-an da tadun na dawaten na Tyumanem ya utaw bekeꞌ oloꞌ na asuntu sa pagpangintu-u nan manang asuntu uman na kya-epedan ya kanan pagpangintu-u na manga imo-unun na madyaw.

Yanagaw nyabangal da mayu na ya pagpangintu-u nan kya-epedan na kanan imo-unun, aw dun ni pig-imoꞌ nan dayaw nyalingeb ya kanan pagpangintu-u.