Popular Bible Verses from Pigpan-imo' 16

Share

Aw tyumubag silan, “Pangintu-u kaw kan Jisus na yan ya Matas na Pangulu, aw makaluwaꞌ kaw, dala ya manga ka-epedanan mu adti balay.”

Na, pagkatenga-tengaꞌ da na gabi, gayed si Pablo aw si Silas nyanawagtawag aw migdalangan sa pagdeyen sa Tyumanem, aw migpakanyeg kanilan ya manga eped na nyakalabusu. Aw tigkan awun mabagseg na linug aw nya-eyeng ya kalabusuwanan, aw kya-uwangan ya kadég na manga tatakep, aw nyangkakamang ya tabla na piglungugan sa manga siki nilan aw nyangka-ubad ya manga sangkaliꞌ na piggapus sa manga bekten na kadég na nyakalabusu dun.

Pagkatigkas yan, pigpa-agad nan silan adti luwaꞌ aw law nan, “Kay Sir, unu ya ka-ilangan ku imo-un pada paluwa-en aku na Tyumanem?”

Aw nyakapagmata ya magtatunggu-ay. Aw sa pagkitaꞌ nan na kya-uwangan ya kadég na tatakep na kalabusuwanan, iman nan aw nyakapalaguy da ya kadég na nyakalabusu. Yanagaw pigtagnus nan ya kanan kampilan kay un galu tumuyuꞌ. Manang piglongan sakanan ni Pablo sa mabagseg na tingeg, “Diliꞌ kaw magtuyuꞌ! Kenneꞌ pa na kadég nami ini!”