Popular Bible Verses from 2 Tésalonika 2

Share

Diliꞌ kamu magka-agad-agad sa paglongun nilan. Pa-edeꞌ ku kamayu ya tengteng matinaw: Sa diliꞌ pa lumikuꞌ si Jisus, madég ya mayaw sa kanilan pagpangintu-u sa Tyumanem. Aw dun da kabukasi ya sambuk na utaw na to-o malatay na gayed mag-atu sa kadég na manga suguꞌ na Tyumanem, aw ya un nan datengan ya pa-emel-emelen na walaꞌ ya tyamanan.

Kay manga inulug na pigginawa͡an na Tyumanem, gayed kami migpasalamat kanan asuntu kamayu. Kay lekat pa asini muna, dadan da kamu nan pigpamalliꞌ na un kamu paluwa-en magi dun ni paglinis na Ispiritu sa kamayu anenganeng aw magi sa pagpangintu-u mayu sa katinawan na lekat adti Tyumanem.

Ampangan nan ya kadég na pigsimba na utaw aw patasen nan ya kanan pagka-utawun. Mingkud sakanan adti seled na Témplo na Tyumanem pada kita-en na kadég na utaw, aw maglong sakanan, “Aku ya Tyumanem.”

Na, nyanawagtawag kami adti kanaten Matas na Pangulu na si Jisu-Kristu aw adti Tyumanem na kanaten Ama, kay yan ya gyuminawa kanaten aw migpakabagseg sa kanaten ginawa na walaꞌ ya tyamanan aw nyatag sa dakulaꞌ to-o na pag-iman magi dun ni kanan grasya. Pakaganen galu na Tyumanem ya kamayu ginawa aw pakabagsegen kamu nan dun ni kadég na pigpan-imoꞌ mayu na madyaw aw kadég uman na piglong mayu.

Yanagaw pabaya-an da silan na Tyumanem na kagawayan silan pada pangintu-uwan baling nilan ya galuꞌ.

Na, pada ka-ede-an mayu, sa diliꞌ pa degen ya utaw yan, una sakanan mag-imoꞌ sa madég na sallong kunu na milagru aw manga pangilala magi sa katulus ni Satanas. Aw imo-un nan ya kadég na punganan na malatay pada kagawayan ya manga utaw na agpet da pa-emel-emelen asuntu na walaꞌ nilan ginawayi ya katinawan na makapaluwaꞌ galu kanilan.

Pangkay adun migpalekat da na tagu-taguꞌ ya malatay na imo-unun na utaw yeiy. Aw magpadeleg na diliꞌ ka-ede-an mendaꞌ sa allaw na makamang da ya nyakatagen kanan.