Popular Bible Verses from 2 Pédro 2

Share

kyalabetan da tadun na mabatug saba na Tyumanem tabangan ya kadég tadun na dyumalug sa pagkaliman nan lekat adti manga kalugan na un dumateng. Manang dun ni allaw na pag-ukum, mabatug nan ya pagpa-emel-emel sa manga utaw na walaꞌ dalug sa manga suguꞌ nan

Madyaw pa baling kun walaꞌ pa silan paka-edeꞌ sa pagdalug sa pagkaliman na Tyumanem kay sa nyaka-edeꞌ silan aw tigkas yan pigtalikudan nilan ya manga suguꞌ na pig-atag kanilan. Kasiling saba silan na paglongun na manga utaw: “Ya iduꞌ, pagliku-an nan pagkanen ya pigsuka nan.” Aw “ya takuꞌ na abus da sugbuwi, uman da lumikuꞌ lumubug dun ni pasak.”

Pigpakangan nilan, law nilan, “Makaluwaꞌ kamu!” Manang sa kanilan, kenneꞌ nilan nya-allang na malatay. Kay kun unu ya dyumeg sa utaw, yan saba ya mag-allang kanan.

Yanagaw kun singalan ya nyangintu-u la sa kanaten Matas na Pangulu aw Magpaluwa-ay na si Jisu-Kristu, nyakaluwaꞌ da silan lekat adti pag-allang na malatay asini tas na lupaꞌ. Manang kun magpaliput aw magpa-allang silan salut sa malatay, to-o pa baling malat ya un nilan datengan kay sa idtu muna sa walaꞌ pa silan paka-edeꞌ kan Kristu.

Manang asini muna awun uman manga sallong kunu propita na migpalna-u sa galuꞌ adti manga utaw na Isra-él. Aw maynan uman, awun dun ni kamayu na un magpalna-u sa galuꞌ. Ya tud na palna-u nilan ya makapagkalat sa kamayu pagpangintu-u. Balyaw nilan si Kristu na Matas na Pangulu tadun na yan ya miglekat kanilan adti manga salaꞌ nilan. Aw asuntu sa palna-u nilan na galuꞌ, maksay dumateng kanilan ya pa-emel-emel na Tyumanem.