Popular Bible Verses from 2 Corinto 1

Share

Naten deyen ya Tyumanem na yan ya Ama na kanaten Matas na Pangulu na si Jisu-Kristu. Kay ya Ama, yan ya lyekatan sa kadakulaꞌ na kallat, aw migpakabagseg sa ginawa tadun. Gayed nan saba pigpakabagseg ya kanaten ginawa dun ni kadég na kalugan na kya-agiyan tadun, pada mabatug tadun uman pakabagsegen ya ginawa na manga eped na migti-is sa pangkay unu na kalugan.

Kay pangkay madég ya manga pagti-is na kya-agiyan tadun asuntu sa pagpakasambuk tadun kan Kristu, manang dakulaꞌ pa dun ya pagpakabagseg ni Kristu sa kanaten ginawa.

Aw nyakapaglong kami na yan da galu ya kanami tyamanan. Manang pigtumbay yeiy kadiꞌ na Tyumanem pada diliꞌ nami saligan ya kanami pagka-utawun. Kay yan oloꞌ ya umbaꞌ saligan ya Tyumanem na magpakamataw sa manga nyangkamatay.

Aw ya Tyumanem, yan ya migpakasalig sa kanaten pagpakasambuk kan Kristu. Aw yan uman ya mig-atag kanami sa katundanan sa pagka-apostol aw katulus na un mag-ubat-ubat sa tingeg nan adti manga utaw. Aw pigpa-eyaꞌ nan ya kanan Ispiritu adti kanaten anenganeng na yan ya palangad eket na madawat tadun ya kadég na pigpakang nan kanaten.

Na, ya kanami pagti-is dakulaꞌ ya ma-untung mayu dun, pada pakabagsegen ya ginawa mayu aw pada paluwa-en kamu na Tyumanem. Kun pigpakabagseg ya kanami ginawa, mabatug nami uman pakabagsegen ya kamayu ginawa pada mati-is mayu ya manga kalugan kasiling na kanami kya-agiyan.