Popular Bible Verses from Isaià 65

Share

Mbola tsy miantso akory izy, dia efa hamaly azy Aho; ary mbola tsy tapi-miteny izy, dia efa azoko ny tiany holazaina.

Fa indro Aho mahary habakabaka vaovao sy tany vaovao ka tsy hotsarovana intsony ny habakabaka sy tany taloha na ho mby ao an-tsaina akory aza.

Tsy hisasatra foana intsony izy na hitera-jaza ho fatin’ny loza tampoka; fa fianakaviana izay notahiko izy, na ny tenany na ny zanany naterany.

Tsy hanao trano hitoeran’ny hafa intsony izy na hamboly zavatra hohanin’ny olon-kafa; fa ho tahaka ny andro hiainan’ny hazo ny andro hiainan’ny vahoakako, ary ny olom-boafidiko hanaram-po amin’ny vokatry ny asa vitany.

Tsy hisy ao intsony ny zaza minono izay ho faty anatin’ny andro vitsivitsy na ny antitra tsy hahatapitra ny androny; fa ho maty tanora izay maty zato taona, ary heverina ho olona voaozona izay tsy mahatratra zato taona.

Hiara-miraoka ahitra ny amboadia sy ny zanak’ondry; ny liona hihinam-bilona toy ny omby, ary ny menarana kosa dia vovoka no ho fihinany. Tsy hisy fanaovan-dratsy intsony, hoy AHO, na fanimbàn-javatra intsony, manerana ny tendrombohitro masina!

Izaho koa hiravo amin’i Jerosalema sy hifaly amin’ny vahoakako. Fa tsy ho re ao Jerosalema intsony na ny tomany na ny kiakiakam-pitarainana.