Popular Bible Verses from Kôheleta 8

Share

Raha ny amiko, dia deraiko ny fifaliana, satria ny hany fahasambaran’ny olona eto ambonin’ny tany dia ny mihinana sy misotro ary miravoravo. Izany no tokony hanaraka ny asany mandritra ny andro omen’Andriamanitra hiainany etỳ ambonin’ny tany.

Mety ho mpanao ratsy an-jatony ny mpanota iray, kanefa dia ela velona ihany. Fantatro kosa ny hoe: «Izay manaja an’Andriamanitra ihany no ho sambatra, dia ireo manaja Azy tokoa.

Eny, ny asa rehetra dia hisy fotoam-pitsarana azy, satria lehibe ny faharatsian’ny olona.

Tsy misy olona manam-pahefana hitazona ny ainy ary tsy misy olona afaka hampihemotra ny andro hahafatesany. Rehefa tonga ny ady, dia tsy misy hevitra hialana aminy; ary ny ratsy fanahy tsy ho voaavotry ny faharatsiany.

Fa tsy tanterahina eo no ho eo akory ny famaliana ny ratsy atao; dia izany no ikirizan’ny olona hanao ratsy.

Izao koa no zava-poana mitranga eto ambonin’ny tany: misy olo-marina iharan’izay tokony ho mendrika ny ataon’olon-dratsy; ary misy olon-dratsy mahazo izay tokony ho mendrika ny ataon’olo-marina. Ka efa voalazako fa zava-poana koa izany.

Tsy fantany akory izay zavatra ho avy. Iza no hampahafantatra azy ny ho fitrangan’izany?