Popular Bible Verses from Kôheleta 1

Share

Fa arakaraka ny mahabe fahendrena no mahabe fahasahiranana; ary izay mitombo fahalalana, dia mitombo fahoriana.

Izay efa teo ihany no mbola ho tonga indray, ary izay efa natao ihany no mbola hatao indray. Fa tsy misy zava-baovao akory izay rehetra mitranga etỳ ambonin’ny tany.

Tsy misy mihitsy afaka hilaza hoe hatraiza izany fitamberimberenan’ny zava-drehetra izany: fa ny maso tsy mba monai-mijery ary ny sofina tsy mba leon’ny mihaino.

Hoy i Kôheleta hoe: «Zava-poana dia zava-poana izao rehetra izao, eny, zava-poana ny zava-drehetra.» Miasa mafy ny olona etỳ ambonin’ny tany, nefa tsy misy voka-tsoa azony amin’izany.

Efa hitako ny zava-drehetra atao etỳ ambonin’ny tany, fa zava-poana sy manenji-drivotra ihany izany rehetra izany.

Lasa ny taranaka iray, dia tonga ny iray hafa mandimby azy; nefa izao tontolo izao mbola maharitra hatrany.

Fa nohadinointsika kosa ireo razantsika fahagola. Ary ireo olona handimby antsika koa dia tsy hotsarovan’izay handimby azy.

Tsy niroa fo aho hahay manavaka ny fahendrena sy ny hadalana, ary koa manavaka ny fahalalana sy ny fahaverezan-tsaina. Tsapako fa ny manenji-drivotra ihany koa izany.