Popular Bible Verses from 1 Kôrintianina 15

Share

Koa amin’izany, ry havako malala, aoka ianareo hiorina mafy, tsy ho voahozongozona, hahefa bebe kokoa hatrany eo amin’ny asan’ny Tompo, satria fantatrareo fa tsy foana tsy akory ny fisasaranareo amin’ny fanompoana ny Tompo.

Kanefa hisaorana anie Andriamanitra, Izay manome antsika ny fandresena amin’ny alalan’i Jesoa Kristy Tompontsika!

Aoka tsy ho voafitaka ianareo, fa «mamohehatra ny toetra tsara ny namana tsy valahara.»

Saingy ny fahasoavan’Andriamanitra no nahatoy izao ahy, ary tsy very maina tao amiko ny fahasoavana nomena ahy; fa niasa mihoatra noho ny apôstôly rehetra aho, kanefa tsy izaho, fa ilay fahasoavan’Andriamanitra niaraka tamiko.

«Aiza ny fandresenao, ry fahafatesana? Aiza ny lefonao maranitra, ry fahafatesana?» Fa ny fahotana no lefona maranitra anindronan’ny fahafatesana, ary ny lalàna no hery ahombiazan’ny fahotana.

Indro misy tsiambaratelo ambarako aminareo: tsy hodimandry avokoa isika rehetra; vetivety foana, indray mipy maso, rehefa maneno ny trompetra farany, dia hovàna avokoa isika rehetra. Satria haneno ny trompetra farany, dia hitsangana velona ireo maty ka tsy ho tratry ny fahalòvana intsony; ary hovàna isika.

Ary satria olona iray no niavin’ny fahafatesana, dia olona iray ihany koa no iavian’ny fitsanganan’ny maty. Eny, toy ny ahafatesan’ny olona rehetra noho izy tafaray amin’i Adama, no ahaveloman’ny olona rehetra noho izy tafaray amin’i Kristy

Ka ity mety lo ity dia tsy maintsy hitafy ny tsy fahalòvana, ary ity mety maty ity dia tsy maintsy hitafy ny tsy fahafatesana.

Satria tsy maintsy manjaka i Kristy, ary hataon’Andriamanitra eo ambany tongotr’i Kristy avokoa ireo fahavalo rehetra. Ny fahavalo farany hofoanana dia ny fahafatesana