Popular Bible Verses from Romans 8

Share

Shkewa ma tinmat tey etho utin mongtham wang haltey rangma thaji raaq sha jaqhal ang aa ta, hiqtang aa usam eq i.

Chammatakoi Shkewa tinmat wang hiqtang sha cham eq tho jin phal phami ta nga usam eq ang. Utik tia rollung, rangkamwa tang tia thangwa tang, thaney nap rollung tia inapja rollung, tia jaktáng o shingtey, aluk tia anim tia thaji phanghun wang chamlang tangwang sha Shkewa tinmat bara hiqtang Teyhungwa Jesu Khristo tungkang o hiqtang ràng, eshiwang hiqtang sha jin phal phami.

Eshimal Tsija eq tho hiqtang anung o nong phi. Romtam chamal eq chuk ching ta hiqtang aa sammi etharin Tsija hun jin bat mi raaq tang wang hiqtang rangma tin thanin eq romtam chu aa.

Hiqtang iri tung aa raaq chamlang ta raaq ni? Shkewa hiqtang ching kona ang ajo utang eq hiqtang sha jin miiksuk phani?

Eshirangma thanga bara Khristo Jesu na, ning ma aja ta shing moq.

Hanngam thung atal kot sha utik, etharin Tsija o thung atal kot sha rollung nia nungmay.

Hiqtang ma tinmat tey tungkang o iri thaji raaq tang na ujintey wang tho ajong.

Hiqtang o bara phun amun takhi ma ta aa, eshi relna thaneynap tsamnang raa chamtho ang moq ta nga tathin ang.

Khristo tinmat wang utang eq hiqtang sha jin phal pha ni? Tsamnang, tia tintashit tia tahikham, tia shong aa cham, tia chamlal junglal, tia ucho upan ang ching tia jantong thaji shey hiqtang sha jin phal eq phani i?

Tin siintey Tsija tinthin chamlang aa sha usam eq aa. Chammatakoi Tsija eq Shkewa miqtang rangma utin mongtham mal romtam chu aa.

Barey Shkewa Tsija ji sha phan aa, ning sha Shkewa susa tang.

Hanngam tin nuk o tongtey miqtang shey hanngam tinthin sho ning ni ning thung atal sha shing aa. Etharin Tsija tin nuk o tongtey miqtang shey Tsija tinthin o ning ni ning thung atal sha shing aa.

Piq aa usa Miqwasa tha hiqtang ma kot hunga shing moq angta, etharin hiqtang ma piq sha kot chakta. Irimal ang ajo piq jamoq hiqtang ma thaji sha kotmoq angna i?

Hiqtang Shkewa susa tang ta Asang Tsija piq ni piq atho hiqtang tsija jamoq miikkhi kot aa. Thanga hiqtang usa tang ang ijo hiqtang raa sa may; etho hiqtang Khristo jamoq Shkewa phun amun sa may ang i. Etharin hiqtang phun amun sa may ang ijo piq tsamnang jamoq tho atha ang ching.

Hanngam o thung atal kottey sha Shkewa ralwa chammatakoi ning aa Shkewa thong tat moq etho jin ang moq hun.

Phanghun eq rapney tungmang wang Shkewa susa tang takhi rangma ban chey aa.

Thaji phanghun thanga náng thula sa chang ma taksa aa thimal takho takhang sha hiqtang aa usam eq i.