Popular Bible Verses from Romans 6

Share

Chammatakoi ngarey jakthang sha utik, etharin Shkewa jakkot sha hiqtang Teyhungwa Khristo Jesu o pattuk rollung.

Ngarey sha nim tangteywa ang ching ang moq, chammatakoi nim thong jaktáng na ang min etharin ráng manchan jaktáng na.

Eshirangma junglam tungkang o hiqtang piq jamoq bing taphi, etho utik o rum ti, irimal ang eq Khristo wa phun amun tungkang o utik wang wey thajey ta shimal hiqtang tho anal rollung o tong ni.

Nim hanphung uking uphak shi aja jaksom rangma ngarey ma nak kot inn. Etharin nim ni nim utik wang weyjey ang ti ta sam eq Shkewa ma kot inn etho nim ni nim hanphung iking uphak shi asing jaksom rangma Shkewa ma kot inn.

Hiqtang aking ngarey hanphung sha Khristo jamoq bólq o botchak ta ta hiqtang usam eq i, irimal ang eq hiqtang rollung na ngarey tarong màngti ta etho hiqtang ngarey qha ang eq wey tong mi sey angni.

Eshimal hun nim tho nim ni nim ngarey rangma amàng, etharin Shkewa rangma Khristo Jesu o atharang ta tathin inn.

Irimal ang ajo hiqtang chamta raaq ni? Ráng manchan daqhan cham ang aa ta hiqtang aa ngarey som chey ro eq i? Baluk o tho ang moq! Hiqtang ngarey rangma utik sey ang ti jo, chamal eq ngarey som eq wey tong chey ni?

Nim aa chamtey miq raaq tat rangma nim ni nim sha qha mal kot inn jo, nim sha piq qha ta nim aa sam min i? Nim ngarey qha ma jin ang inn bara utik náng thu aa, ang moq ang jo Shkewa raaq jin tat eq aa bara asing náng thu aa.

Etharin Shkewa ma kechu ajong cham ang aa! Chammatakoi phang tho nim ngarey qha ang tin jo tho, thanga tin wang nim aa kap tin eshi tatal sha tat inn. Nim ngarey wang aqhap sey etho asing qha sey.